• أنا راضي أخاوي [الموت] ولـا مثلك يخاويني !! •

أخيرا جيت يا شاطر رجعت مخاوي الونات
خضعت ودمعك الثاير على الوجنة يناديني

عرفت الحين مقداري دريت اني على النيات
ولكن مامضى ماضـي وانا لحاضر عناويني

نسيت يومك تبكيني نسيت كلمة عديم الذات
نسيت يومي اغص باسمك وعلى الغصه تهنيني

خساره طحت من عيني غدت ميزتك لي سيآت
شطبتك من كشوف الحب ودمعي لك يواسيني

صحيح القلب من هجرك كساه الهم واللوعات
ولكن عزتي ترفضــك مهما تصافحك عيني

نسيتك قالها قلب يعاني لحظة السقطـــات
وعلى نعش الهوى كلمة نسيتك من شرايني

خلاص مرحوم شيعته بصمتي واندفن بسكات
تقبلــت التعازي وانت ولا فكـرت تعزينـــي

وجايني اليوم متأسف عقب ما تاهت الخطوات
عقب ماذابت عروقـي وليل الياس طاوينــي

عقب كسرة خواطرنا تبيني ارجع.. محال ،، هيهات
أنا راضي أخاوي [ الموت ] ولـا مثلك يخاويني ..

\\

للـ شاعر المبدع .. ..
خالد أبو صليب

زائر

صحيح القلب من هجرك كساه الهم واللوعات
ولكن عزتي ترفضــك مهما تصافحك عيني

ابدااااااااااااااااااااااااع بصراحة

يسلمو حياتي عالنقل الروعه